Palitan ng Ukrainian Hryvnia sa Philipine Peso
sa CTBC Bank Branches

Inilunsad ng Bangko Sentral ng Pilipinas ang Currency Exchange Facility (CEF) Program para sa mga Overseas Filipinos (OFs) at sa kanilang mga kapamilya na umuwi galing Ukraine simula noong Pebrero 18, 2022. Maaari nilang papalitan ang kanilang Ukrainian Hryvnia (UAH) sa Philippine Peso sa alinmang CTBC Bank branch hanggang Setyembre 30, 2022. Kung ang halaga ng UAH ay lalagpas sa katumbas na PhP20,000, kailangang mag-sumite ng mga dokumento upang maaprubahan ito ng BSP.

Para sa proseso, mag-fill out ng CEF Conversion Slip sa branch at i-sumite ang mga sumusunod:

• Original passport o kaya travel document na i-nissue ng Philippine Embassy sa Poland na may exit stamp ng mga awtoridad sa Ukraine at/o kaya mga awtoridad ng mga ibang bansa na nagsilbing exit points ng mga OFs; o kaya

 

• Certified true copy ng unang nabanggit na dokumento na nakasaad ang pangalan ng government agency at pangalan at lagda ng authorized official ng nasabing government agency

 

• Iba pang mga dokumento na dapat i-sumite ng OF na may mga ibang exit points bukod sa Ukraine at hindi nakapagpakita ng exit stamps mula sa mga ibang bansa:

• Affidavit na naglalahad ng mga pangyayari sa pag-alis ng OF sa Ukraine; o kaya
• Dating Ukraine visa o identification card na nagpapatunay na ang indibidwal ay dating OF sa Ukraine

May mga karagdagang dokumento na dapat i-sumite kung ang nasabing transakyon ay isasagawa ng kinatawan (representative) ng OF.

Para sa mga katanungan ukol sa proseso at mga kailangang dokumento, makipag-ugnayan sa alinmang CTBC Bank branch o sa aming Customer Care Unit mula 6:00 AM hanggang 9:00 PM sa 8840-1234 (Metro Manila); 1-800-10-840-1234 (Toll-Free kung ang tawag ay mula sa probinsya gamit ang PLDT); [email protected].

Maraming Salamat!

I-click ang link para sa BSP Circular na nag-uugnay sa paalalang ito.